No.1029/2021-2022

Aizawl the 18th June, 2021 : Sialkal Range Development Council (SRDC) chuan Saitual District Hospital, Mimbung PHC leh Lengteng bial chhung VLTF thenkhat te hnenah covid-19 dona hmanraw chi hrang hrang a thawnchhuak a, SRDC Chairman Pu L.Thangmawia MLA chuan SRDC office, Venghlui, Aizawl atangin heng thil thawnte hi nimin ni 17.6.2021 tlai lam khan a vailiam a ni.

Heng thil thawnchhoh a vailiamnaah SRDC Chairman Pu L.Thangmawia chuan hripui do kawnga rimtaka thawktute chungah lawmthu a sawi a. Mizoram sawrkar-in SRDC chu a area chhung mipuite mamawh engemawchen phuhruk thei tura a thuamchak avangin lawmthu a sawi a. Hun harsa tak SRDC Headquarters awmna Mimbung khuain a tawn mek hi pawi a tih thu leh sawrkar, VLTF leh mipuite tanrualna avangin hun rei loteah he hun khirhtak hi Mimbung khawtlang hian an paltlang ngei dawn a ni tiin mipuite chu sawrkar thupekte zawm a, fimkhur chhunzawm zel turin a chah bawk.

Mahni inlum pawh chhuahsan thei lova Mimbung khaw mipuite an awmlaia sum leh pai, buhfai, chawhmeh leh an mamawh dangte Lengteng bial khaw hrang hrangin an pe thin chu ropui a tih thu sawiin Zonun zemawi a parvul a ni a ti.

Heng thil thawnte hi Pu Vanlaltanpuia MCS, SDO(Civil) Ngopa leh Member-Secretary, SRDC chuan Ngopaah vawiin ni 18.6.2021 hian lo dawngsawngin SRDC aiawhin a dawngtu turte a lo hlan nghal a ni.

Hengte hi thawnchhoh a ni :
1. SAITUAL District Hospital /CCC
a) Rs. 30,000/- b) Fumigator : 1 no. c) VTM (TrueNat) : 100 nos.
2. MIMBUNG PHC
a) Covid-19 Medi pack : 50 nos. b) Pulse oxymeter : 10 nos.
c) BP Monitor : 10 nos d) Fogging Machine : 1 no.
e) Covid Test kid : 250 nos. f) PPE Suit : 10 nos.
g) Spin mob : 5 nos. h) Face Mask N-95 : 20 pcs.
3. MIMBUNG VLTF
a) PPE Suit : 5 nos b) Face Mask : 200 nos
c) Sanitizer : 4 bottle d) Immunity Booster : 403 nos
4. MIMBUNG YMA
a) Oxygen Concentrator : 1 no.
5. TEIKHANG VLTF
a) Mask : 100 nos. b) Sanitizer : 2 nos.
6. TEIKHANG YMA
a) Oxygen Concentrator : 1 no.
7. HRIANGHMUN VLTF
a) Mask : 50 nos b) Sanitizer : 1 no.
8. KAWLKULH VLTF
a) Immunity Booster : 810 nos

Mimbung khuaah hian May ni 27, 2021 khan hrivei pakhat hmuhchhuah a ni a. Contact tracing a tul ang a tihnghal niin vawiin ni thleng hian hrivei 27 hmuhchhuah tawh a ni a. Hrikai hmuhchhuah zinga mi 4 hi ZMC, Falkawn-a dahluh tawh niin Saitual CCC-ah mi 9, Mimbung 4C-ah mi 5 awm mekin Manipur-a enkawl chhunzawm turin mi 1 transfer a ni bawk a. Mi 8-te discharged an ni tawh bawk. May ni 28, 2021-ah Saitual DC-in Mimbung hi Restricted area-ah puangin hrikai hi hmuh belh zel a nih avangin June ni 8, 2021 khan a khaw pumin containment zone-ah a puang leh a ni.

SRDC chuan Mimbungah hrikai hmuhchhuah anih avangin May ni 29, 2021 khan Mimbung damdawiin (PHC) mamawh chi hrang hrang thahnem tak a thawnchho nghal a. June ni 7, 2021 khan Mimbung khawtlang mamawh buhfai leh thil chi hrang hrang Mimbung VLTF hnenah a thawnchho tawh bawk.