No.4450/2021-2022
Aizawl, the 29th March, 2022: 3rd National Water Award semna chu vawiin 29.3.2022 khan Plenary Hall, Vigyan Bhawan, New Delhi hmunah neih ani a, he award semna hi Ram Nath Kovind, President of India chuan hmanpuiin category hrang hrang a lawmman pakhatna dawngtute hnenah Award a hlan nghal a ni.
Best Panchayat Village in North East Zone huangah Serchhip District atangin Sialsir Khua chuan lawmman pakhatna hi lain; Pi Nazuk Kumar, IAS, Serchhip Bawrhsap leh Pu Vanlalrema, VCP, Sialsir ten Award hi President hnen atang hian an dawng a ni.
He hunah hian Gajendra Singh Shekhawat, Minister of Jal Shakti bakah Prahlad Sing Patel, Minister of State (Food Processing Industries) leh Bishweswar Tudu,Minister of State (Tribal Affairs) leh mi pawimawh dang te pawh an tel a ni.
He lawmman hi Jal Shakti Ministry in kum 2018 atang khan mimal leh pawl tui leh tuihna humhalh leh enkawl thate tana a buatsaih a ni a, state, district, khua leh zirna in tithate hnenah pawh lawmman hi sem a ni. Kum 2019 khan Serchhip district a mi tho Leng khua chuan he huangah vek hian lawmman pakhatna an lo dawng tawh a ni.
He award dawng tur hian Deputy Commissioner, Nazuk Kumar bakah Samuel Lallawmzuala, District Coordinator, PHED leh Pu Vanlalrema,VCP, Sialsir te an kal a ni.
Attachment
- Loading attachment...
