No.56/2021-2022

Aizawl, 8th April, 2021: Home Secretary Pi Lalbiaksangi chuan April ni 7, 2021 khan a hnuaia tarlan ang hian silai licence nei ten tum khata silai an kawl theih zat hriattirna a chhuah

"Ministry of Home Affairs, Government of India in December ni 13, 2019 khan Arms (Amendment) Act, 2019 hmanga Arms Act, 1959 hnuaia Section 3(2) a siam that chuan mi pakhatin silai a kawl theih zat chu pahnih aia tam lo ni turin a bituk a. Hetih lai hian mi thenkhatin an licence neih hmangin silai pahnih aia tam an kawl tih sawrkarin a hria a ni. Sawrkar laipuiin dan a siam zawm a tul avangin heng licence nei zinga silai pahnih aia tam kawlte tan hun remchang siam siak an ni a, licence neitu chhungte zinga dan in licence a pek theih ang chi midang an awm chuan chung mite hming chuan silai pahnih bak hi licence pek theih a ni (pahnih aia tam lo zelin).

Silai pahnih aia tam kawlte chuan he hriattirna tihchhuah (April ni 7, 2021) atanga thla 6 ral hmain Licence pechhuaktu (concerned Licencing Authority) hnenah emaw, police station hnai berah emaw danin a phal zat bak silai an kawlte chu an surrender tur a ni a. Heng silai surrenderte hi he hriattirna tihchhuah (April ni 7, 2021) atanga thla 6 ral hmain an chhungte hmingin licence a tharin an dil leh tur a ni ang.

Thla 6 ral hmain licence an dil lo a nih chuan Arms (Amendment) Act, 2019 tan chhanin heng silaite hi chhuhsak/mansak theih an ni ang."