2058/2022-2023
Champhai, the 23rd September, 2022: Champhai District Magistrate, Pu James Lalrinchhana chuan vawiin khan Champhai District chhunga Silai siamtu Gunsmith-te hriat leh zawm ngei ngei tur hetiang hian a chhuah:
1. Gunsmith Licence nei lovin Silai siam/khawih that hna an thawk tur a ni lo.
2. The Arms Rules, 2016, Part-IV a ziak angin, Silai siamtu ten silai siamna leh a that leh that loh enchhin nan hmun fianrial, mipui vantlang tana hmun him chinah an awm tur a ni.
3. Gunsmith Licence neite pawhin an siam/khawih theih chin minor repair bikah Rule 77-na Arms Rules 2016 a Form IX-A leh major repair bikah Form IX a ziak angin siam/khawih phalsak an ni a, tualchher silai siam chhuah hi the Arms Rules, 2016 a ziak angin khap bur a ni. Kangmei lakah mipui vantlang an lo him zawk nan kangthelhna (firefighting devices etc) hman theihin an hung/kawl reng tur a ni.
