230/2024-2025 

Khawzawl, 16th April, 2024: General Election to Lok Sabha, 2024 inthlanpui ni 19 April, 2024 a neih turah inthlanna muanawm leh felfai tak neih a nih theih nan heng ahnuaia tarlan hi zawm theuh turin 22-Tuichang (ST) Assembly Segment huamchhunga mipuite kan inngenin kan inhriattir a ni.

i. Representation of the People Act, 1951 section 126 chuan vote thlak hun atanga chhiar let a darkar 48 (i.e. ni 17 April, 2024 tlai dar 5) atangin Television (TV) emaw chanchinbu (Print Media) emaw, hmanraw dang emaw hmanga inthlan kaihnawih thil tarlan leh tihchhuah a khap tlat a ni.

ii. He darkar 48 chhung hian inthlan kaihhnawih thila vantlang inkhawm (Campaign) khap tlat a ni a, mi tumahin inthlan kaihnawih thil television-ah emaw cinema-ah emaw media dangah emaw mipui hmuh theih turin an phochhuak tur a ni lo. He thupek zawm lo chu kum hnih thleng lung in tantir emaw, lei chawitir emaw, a pahniha hrem emaw theih a ni.

iii. Silent Period ni 17 April, 2024 tlai dar 5 a hman a nih atangin Campaign period a tawp a. 22-Tuichang (ST) Assembly Segment huamchhunga Silent Period hman a nih hnuah 22-Tuichang (ST) Assembly Segment a Vote neite chauh awm phal an ni tawh a ni.

Silent Period (17 April, 2024 tlai dar 5:00 atanga ni 19 April, 2024 tlai dar 5:00) hi Khawzawl District-ah pawh khauh taka kalpui tur a ni a. Flying Squad, Static Surveillance Team, etc. ten dan bawhchhiatna a awm leh awm loh an fan kual reng dawn bakah Media Certification & Monitoring Committee (MCMC) ten Media leh Social Media te pawh ngun takin an vil reng dawn bawk a ni.

Contesting Candidate leh Political Party ten ‘Silent Period’, ni 17 April, 2024 tlai dar 5 atanga inthlan zawh thleng hi tha taka an zawm theih nan leh an lo inruahman lawk theih nan he hriattirna hi tihchhuah a ni.