2642/2023-2024
Dated Serchhip, the 4th November, 2023: Serchhip District chhunga MLA Intlanpui,2023 felfai tak leh muanawm tak kan neih theih nan a hnuaia tarlan te hi zawm theuh turin 26-Serchhip(ST)AC,27-Tuikum(ST)AC leh 2B-Hrangturzo(ST)AC Serchhip DC chuan mipuite a ngenin a hriattir a ni.
The Representation of the People Act, 1951 Section 126 bawhzuiin Serchhip District chhungah vote thlak hun tawp atanga darkar 48 hi Ngawih Hun,'Silence Period', a puan a ni (i.e ni 5 November, 2023 tlai dar 4:00 P.M. atanga ni 7 November, 2023 tlai dar 4:00 P.M.) He hun chhung hian television (TV) emaw media/social media hmanga inthlan kaihhnawih thil tarlan leh tihchhuahte hi khap tlat a ni.
He hun chhung hian tumahin election kaihhnawih thila mi koh khawm leh thusawite an ti tur a ni lova. Tin, inthlan kaihhnawih thil television-ah emaw media dangah emaw mipui hmuh theih turin an phochhuak tur a ni lo. Election thila mipui intihhlimna, ennawm leh hlimhlawpna engmah an buatsaih tur a ni lo bawk a ni. He thupek zawm Io te chu kum hnih thleng lungin tan tir emaw lei chawi tir emaw a pahniha hrem theih an ni.
Silence Period hman a nih atangin Campaign Period a tawp a, mipuiten rilru fim tak leh ngaihtuahna thiang an lo neih theih nan ruahman a ni a. He hun hi tha taka zawm a nih theih nan Candidates leh Political Parties te pawh an lo inruahman lawk tur a ni.
Political Party aiawh leh Candidates tin Campaigner-te chuan Silence Period hman a nih hnuah 26-Serchhip[ST)AC, 27-Tuikum[ST)AC leh 28-HrangturzoIST)AC huam chhungah vote an nei a nih loh chuan Serchhip District an chhuahsan tawh tur a ni. Chhuahsan tura tih hian Candidates, Agents leh Additional Agents te erawh a huam lovang.
Flying Squad Team, Static Surveillance Team, etc. ten dan bawhchhiatna a awm leh awm loh an fan kual reng dawn bakah Media Certification & Monitoring Committee (MCMC) ten Media leh Social Media te pawh ngun takin an vil reng dawn bawk a ni.
