2641/2023-2024

LUNGLEI; the 4^th November, 2023: Vawiin chawhma dar 10:30 khan Saikuti Hall Lunglei-ah a tum 3-na leh a hnuhnung ber atan Polling party randomization neih leh a ni.He Randomization-ah hian Polling party te chu Polling station 176- a duty turin computer in a thliarfel hlawm a ni. Vawiin 3^rd Randomization of Polling party hi General Observer  pathum:

I. Pu Narayan Rathore IAS, -----------32-Lunglei West AC leh 33- Lunglei South viltu

II. Pu Avadesh Kumar Tiwari IAS,---- 34-Thorang AC leh 35- West Tuipui AC viltu

III. Pu Amol Jagannath Yedge IAS,----30-Lunglei North AC leh 31-Lunglei East AC viltu te

bakah constituency 6-a  RO,ARO leh Political party hrang hrang te aiawh leh candidate/ aiawh ten telpuiin, an hriatpui a, Randomization print out pawh pek vek an ni bawk.

Lunglei district chhungah hian  Pink Polling station 12 tiamin Polling Station 176 a awm a.Heng PS 176-a duty tur polling officials: Presiding Officer(PRO) , Asst.Presiding Officer(APRO) leh Polling Officer(PO) te hi (reservation 20% tiamin), an vaiin 852( PRO-213,APRO-213 leh PO-416) an awm a ni.

Polling Station hla zual leh kalkawng harsa zual Polling station 16: 34-Thorang(ST) AC hnuaia Polling Station 9 leh 35-West Tuipui (ST) AC hnuaia Polling Station 7-a duty tur Polling party  te chu naktuk( 5/11/2023) zing dar 7:00-ah khian an  duty-na hmun panin  Despatch centre an chhuahsan dawn a,a bak Polling Station 160 a duty tur te chu naktip( 6/11/2023)-ah  khian an duty-na hmun an pan ve thung  dawn a ni.