224/2024-2025
Champhai, the 16th April, 2024: Lok Sabha Inthlanpui, 2024 chu April ni 19, 2024 hian neih a lo ni dawn ta a. Inthlanna muanawm leh felfai tak neih a nih theih nan District Election Officer Pu James Lalrinchhana chuan heng a hnuaia tarlante hi zawm theuh turin Champhai District mipuite a ngen a ni.
1. Representation of the People Act, 1951 section 126 chuan Constituency-a vote thlak hun tawp atanga chhiar leta darkar 48 (i.e. April ni 17, 2024 tlai dar 5) atangin Television (TV) emaw hmanraw dang hmanga inthlan kaihhnawih thil tarlan leh tihchhuah a khap tlat a ni.
2. He darkar 48 chhung hian inthlan kaihnawih thila vantlang inkhawm khap tlat a ni a, mi tumahin inthlan kaihnawih thil television-ah emaw cinema-ah emaw media dangah emaw mipui hmuh theih turin an phochhuak tur a ni lo. He thupek zawm lote chu kum hnih thleng lungin tantir emaw, lei chawitir emaw, a pahniha hrem theih an ni.
3. Silent period ni April ni 17, 2024 tlai dar 5 atangin campaign period a tawp a. Silent period hi Champhai District-ah pawh khauh taka kalpui tur a ni.
Flying Squad, Static Surveillance Team etc te'n dan bawhchhiatna a awm leh awm loh an fang kual reng dawn a, Media leh Social Media-te pawh ngun taka vil reng a ni bawk ang.
Candidatee leh political parties te'n he hun 'Silent Period', April ni 17, 2024 tlai dar 5 atanga inthlan zawh thleng hi tha taka an zawm theih nan leh an lo inruahman lawk theih nan he ngenna hi siam a nih thu DEO thuchhuah chuan a tarlang a ni.
