223/2024-2025 

Champhai, the 16th April, 2024: Lok Sabha Inthlanpui atana inpuahchahna kalpui mek zelah vawiin chawhma dar 11:00 khan District Election Office, Champhai leh Sub-Hqrs. MHIP Champhai tangkawp chuan MHIP member-te tan inthlan kaihhnawih hriattur pawimawh leh vote thlak pawimawhzia inzirtirna, Systematic Voters' Education and Electoral Participation (SVEEP) Campaign MHIP Building, Old DC Complex-ah an buatsaih.

He hun hmanpuitu Dr. Vanlalnunpuii Ralte, SDC & SVEEP Nodal Officer chuan inthlan kaihhnawih hriattur pawimawhte a sawifiah a. Vote thlak chu khua leh tuite chanvo mai bakah mawhphurhna a nih thu sawiin, kalkhawmte chu vote thlak theuh tur leh midangte zirtirtu nih tum turin a sawm a ni.

He hun hi Pi Lalhmachhuani, President, Sub-Hqrs. MHIP, Champhai chuan kaihruaiin kalkhawmte lawmna thu a sawi a. Pu J. Lalthanmawia, DEO, Election Branch-in program buatsaih chhan a sawifiah a. Pi LH. Lalrengpuii, Secretary, Sub-Hqrs MHIP Champhaiin lawmthu sawiin hun hman hi a khar a ni.