222/2024-2025 

Champhai, the 16th April, 2024: Lok Sabha Inthlanpui, 2024 atana Champhai District-a inpuahchahna chu hmawr bawk chhoh mek zel niin, vawiin khan Champhai District chhunga Assembly Segment 3 hnuaia Zone 13 huamchhunga Sector Officer leh Sector Police Officer-te tan training hnuhnung ber DC Conference Hall-ah buatsaih a ni.

He hun hi Pu Benjamin Zalawma Ralte, Election Officer chuan kaihruaiin Pu Lalrinawma, PD, DRDO & Nodal Officer, EEM in training buatsaih chhan leh hriattur pawimawhte a sawifiah a. Pi Lalhruaitluangi, SO & Nodal Officer, Training Management & Important Forms-in Sector Officer-te mawhphurhna leh tihturte a zirtir a. Pu Lalmalsawma Hnamte, Addl. SP & Nodal Officer, Police Management-in Sector Police Officer-te tana hriattur pawimawh leh mawhphurhnate a zirtir bawk.

He hunah hian Zone hrang hrang report ngaihthlak a ni a. Zawhna leh chhanna hun hman niin, EVM/VVPAT khawl hman dan leh hemi chungchanga hriattur pawimawh leh ataka hman dan zir niin, khawlte hi hman chhin a ni bawk.