1826/2024-2025

AIzawl the 29th August, 2024 : Sericulture Department & Research Entension Centre, Central Silk Board, Aizawl ṭangkawp buatsaih ni 3 awh 'Silk Dyeing Training' chu vawiin khan a kharna Sericulture Training Institute, Zemabawk-ah hman a ni.

Training kharna inkhawm Pu B. Lalchhuana, Dy Director (Technical) kaihhruaiah he hun hmanpuitu Pu Lalrinawma, Joint Director, Sericulture Department chuan thu sawiin Entrepreneur hlawhtling ni tur chuan huaisen te, teirei leh tumruh a taimak a ngai hle a, Dyeing-ah hian tunlai thiamna hman tangkai a ṭul hle a ti. Mizote chu thluak ṭha, textile lamah pawh chhuanawm tak tak an awm chho zel a ni tih sawiin Entrepreneur hlawhtling tak ni thei turin trainee-te chu duhsakna a hlan a ni.

He hunah hian Pu R. Lalbiakthanga, Joint Director & Principal, STI te, Pi Lalmuansangi, Dy Director (Admin), Pi Vanlalhmangaihi, FAO, Pi Lallawmthangi, HA leh Sericulture Department Officer dangte pawh an tel a; Certificate & Stipend hlanna hun hman nghal a ni.