1825/2024-2025

Siaha the 29th August, 2024 : Tukin zing dar 6:30 khan District AIDS Prevention & Control Committee (DAPCC), Siaha huaihawt in Rally neih a ni a, Rally hi hmun hnih a neih niin New Colony to District Playground hi Pu VL.Hruaizela Khiangte, District Bawrhsap in a vai liam a, New Siaha to District Playground hi Pu Abraham Beirazi khithie, Addl.Deputy Commissioner chuan a vailiam thung a ni.  

Vawiin kawng zawhah hian Siaha town chhunga Middle School, High School, Higher Secondary School, DIET leh College student te an tel tha hle a, Rally-ah hian zirlai ten Placard - HIV/AIDS, STI leh Drug Substance Abuse chungchang inziak an tarlang a ni. Kawng zawh te hi District Playground Siaha Vaihpi-ah intawk khawmin Dr.Lalrengpuii Ralte, Deputy CMO kaihhruaina hnuaiah hun tawite hman a ni a, Dr.Lalruatkimi Pachuau, MO, OST chu Centre Resource person niin District Bawrhsap in thusawina tawi a neih hnuin he Rally hi tihtawp a ni.