3052/2024-2025

Aizawl, 18.11.2024:  Sinlung Hills Council, 2024 inthlan neih zawh tak a thlan tlin te chu vawiin khan Aizawl DC Office, Pisapui Hall-ah Rinawmna thuthiam (Oath of Affirmation) lakna neiin lakluh an ni a. First Sitting neih nghal a ni a. Chairman , Deputy Chairman, Chief  Executive Member, Executive Council member pali te leh Nominated member pahnih te thlan nghal a ni.

Pi K. Vanlalruati, Secretary, Sinlung Hills Council chuan SHC 2024 member lakluhna programme kaihruaiin Oath Taking lak dan tur kimchang a sawi a. Chumi hnuah Mizoram sorkarin thuneihna a pek angin Deputy Commissioner, Aizawl Er. Lalhriatpui  chuan Pro-tem Chairman thlan dan tur Sinlung Hills Council Act 2018, Sec-13 (1) in a tarlan chu sawifiahin he dan tlawhchhan hian Pro-tem Chairman thlanna neih zui nghal a ni a. Elected Member 12 (sawmpahnih) zing atangin lungrual takin Pu Lalhmingthanga, 5-Ratu Constituency atang a thlantlin chu Pro-tern Chairman atan thlan a ni a. Deputy Commissioner, Aizawl hnen atangin rinawmna thutiam a la nghal a ni.

Sinlung Hills Council Act 2018, Sec 13(2) in a sawi angin Pro-tem Chairman hian elected members zawng zawng Oath taking (Rinawmna thutiam) a lak tir a.

(* rinawmna thutiam lak dan indawt)

Sinlung Hills Council Act 2018, Sec 5(2) in a sawi angin Pro-tem Chairman chuan Chairman thlang turin elected member te atangin nomination a ko a, chuhtu neilo in Pu R. Lalfakzuala, 10-Tinghmun bial atanga a thlan tlin chu Chairman, Sinlung Hills Council, 2024 atan tlinga puan a ni. Chief Executive Member thlan a nih bakah Sinlung Hills Council Act, 2018 Sec 5 (3) in a tarlan angin elected member 4 (pali) te chu Executive Member a ruat (nominate) an ni a. Sinlung Hills Council Act, 2018 Sec 5 (1) in a sawi angin Nominated Members 2 (pahnih) ruat an ni bawk.

Chairman – Pu R. Lalfakzuala (10-Tinghmun, MNF)

Dy. Chairman – Pu Benjamin Lalrawnliana (9-Zohmun, MNF)

Chief Executive Member – Pu Ricky Lalremsanga (4-Vanbawng, MNF)

Executive Members: (i) Pi Melody Lalchhuangzeli (8-Sakawrdai North, IND)

                                  (ii) Pu Lalhmingthanga (5-Ratu, MNF)

                                  (iii) Pu Zokhumthanga (12-Saiphai, MNF)

                                  (iv) Pu Lalhriatchhunga Hmar (7-Sakawrdai South, IND)

Nominated Members: (i) Pu C. Lalnuntlanga, New Vervek

                                   (ii) Pu Ramfangzauva, Sakawrdai

Elected Members of Sinlung Hills Council 2024