1.      No. of Constituency, Constituent Villages & No. of Polling Stations:

Sinlung Hills Council hnuaia Constituency leh Polling Station awm dan chu hetiang hi a ni a, Aizawl District huam chhungah Polling Station 31 awmin Kolasib District huam chhungah Polling Station 7 a awm ang.

2.      Electoral Rolls

Rules 16 to 34, Chapter - III of the Mizoram (Election to Sinlung Hills Council) Rules, 2019 tlawhchhan a General Election to Village Councils under Non-Sixth Schedule Areas atan a Electoral Roll Dt.16.2.2015-a State Election Commission, Mizoram tihchhuah chu Draft Electoral Rolls atana hmangin ni 5.9.2019 atanga ni 30.9.2019 chhung khan Electoral Rolls ennawnna (revision) hna thawh a ni a, Dt.30.9.2019 khan Final Electoral Rolls chu tihchhuah a ni. He Electoral Rolls en nawnnaah hian hming thun belh,hming paih leh a diklo te tih dik hna thawh a ni a. He Final Electoral Rolls ang hian Sinlung hills Council inthlanpui 2019-a vote thlak thei tur chu mi 20914 an ni a, chung zinga 10509 chu mipa niin, 10405 chu hmeichhia an ni. Hmeichhia aiin mipa 104-in an tarn a ni.

Constituency 12-a voter awm dan chu a hnuaia mi ang hi a ni:-

 3.         Identification of Electors

Sinlung Hills Council Constituency chhunga voter zawng zawngte chu Electoral Photo Identity Card (EPIC) pek vek an nih tawh avangin First General Election to Sinlung Hills Councils, 2019-a vote thlak turte reng reng chuan Polling Booth-ah an nihna (identity) tichiang turin EPIC hmang tura tih an ni ang. Engvang pawhin EPIC neilo palh an awm a, vote nei si an nih chuan an nihna tichiang turin heng document-te hi an hmang thei ang:

Ration Card issued by the Government of Mizoram

Driving License

PAN Card

Aadhaar Card

Birth Certificate

Passbooks issued by Public Sector Banks/Post Office and Kisan

Passbooks (accounts opened upto October, 2019)

4.         Law & Order and Deployment of Forces

Inthlanna muanawm leh feifai kan neih theihna atan dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police, Aizawl District leh Kolasib District-te chuan ruahmanna fel tak siamin venhimna uluk taka kalpui a ni. A bik takin ralthuam ken chungchang leh aurinna hman chungchangah khapna thupek tihchhuahte uluk taka kenkawh a ni a. Heng bakah hian ralthuam keng leh kenglo security force thahnem tak in Sinlung Hills Council huam chhung hi an vil reng a ni.

5.         Election Officials

The Mizoram (Election to Sinlung Hills Council) Rules, 2019 in thuneihna a pek angin, State Election Commission chuan Returning Officer (RO) leh Assistant Returning Officer (ARO) atan Mizoram Sawrkar hnuai a Officer sawmhnih leh pali a ruat te chuan Constituency tin leh Constituent Village tin te thutchilhin an vil reng a ni. Heng bakah hian Polling Station tinah Presiding Officer 1 leh Polling Officer 2 zel ruat an ni bawk a, an duty-na hmun tur Constituency leh Polling Station hi draw of lots/randomization hmanga siam vek a ni.

Heng bakah hian bial hrang hrang a dan leh thupek kengkawh leh vil turin Sector Magistrate leh Zonal Police Officer te ruat an ni.

6.         Observers

Mizoram State Sawrkar hnuaia Senior officer 3 (pathum) te chu Election Observer atan ruat an ni a, anni hian inthlan chungchanga hma lakdan ngun takin an vil reng a, inthlan kalpui dana lungawilohna emaw, Model Code of Conduct kenkawh leh bawhchhiat chungchanga sawisel duh neite chuan an bialtu Observer an hriattir thei ang.

7.         Ballot Box & Ballot Paper

Rules 50, 51 & 52 of The Mizoram (Election to Sinlung Hills Council) Rules, 2019 in a sawi angin, Sinlung Hills Council General Election-ah hian Ballot Box leh Ballot Paper hmang a inthlan tur a ni dawn a. Ballot Paper hi Sawrkar ruat bik Officer kaihhruaina hnuai ah, uluk taka Police te venhimna hnuai a print a ni a, DC/DEO, Aizawl/Kolasib te Strong Room ah venhimna uluk tak hnuaiah dah a ni. Polling Party te, hun ruat bik ah Polling Station an pan a, inthlan a zawh fel hma loh chu uluk tak a venhimna hnuaiah a awm reng ang.

8.   Indelible Ink/Marker

He General Election-ah hian vote thlaktu chhinchhiah nan an kut veilam zungchalah indelible ink/marker hnawih sak vek tur a ni.

9.         Conduct of Officials

State Election Commission chuan Sinlung Hills Council inthlanna buatsaih kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai (impartial) thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni.

10.       Videoqraphy & Photography

A tul dan azirin thil thleng danglam bik bakah Model Code of Conduct bawhchhiatna a awm chuan chhinchhiah a, thla la turin District Election Officer atangin Video thla la tur ruat an ni a, hei hian inthlanna felfai leh thianghlim a awm theih nan kawngro a su hle tura ngaih a ni.

11.       Election Expenditure Monitoring

Rule 102, 103 & 104 of the Mizoram (Election to Sinlung Hills Council) Rules, 2019 dungzuiin Candidate tin te chu Election Campaign atana an sum hmanral nitina chhinchhiah tur leh inthlanna result puan atanga ni 30 chhungin an sum hman dan report thehlut tura tih an ni ang. Candidate-te'n dan an zawm that leh that loh hi District Election thuneitute leh Observer-te'n an vil reng dawn a ni. Sinlung Hills Council General Election-a Candidate te'n campaign nana an sum hman theih zat hi Constituency khat zel ah Rs. 2,00,000/- bithliah a ni.

12.         General Information

He General Election chungchanga thil hriatfiah leh zawh duh neite chuan State Election Commission e-mail : secmizoram1@gmail.com - ah thawn theih a ni ang.

13.         District Election Plan & Communication Trial Run

State Election Commission kaihhruaina hnuaiah District Election Officer in District Election Plan mumal tak an siam a, chumiah chuan Communication Plan, Movement Plan etc, felfai taka tarlan a ni. Sinlung Hills Council huam chhunga Polling Station-te hi hmun kilkhawr zawka awm te an nih avangin inbiakpawh nan Wireless Tele-communication (MPRO) hman tangkai a ni ang, hemi bakah hian Mobile Phone provider-te pawh tan la tura ngen an ni. Poll Day hma Poll Eve-ah Communication Trial Run neih tura ruahman a ni a, hei hian Poll Day-a Voter Turn­out leh Counting-a Election Result, report leh puanzar kawngah kori a tu hle tura ngaih a ni.

14.         Model Code of Conduct

Model Code of Conduct for First General Election to Sinlung Hills Council chu inthlan puan a nih atangin khauh taka kenkawh a ni a. Model Code of Conduct bawhchhia report dawn a awm lo.

15.         Vote Chhiar

Vote thlak theih hun chhung hi ni 5.11.2019 zing dar 7 atanga tlai dar 4 thleng a ni a, vote thlak zawh Polling Party-te an inpeih fel veleh Constituency Headquarter theuh an pan nghal anga. Vote tla te hi an thlen kim hun hunah Returning Officer-te kaihhruaina hnuaiah Constituency tin ah chhiar nghal tur a ni.

16.         Ngenna

State Election Commission chuan inthlanna fel fai leh muanawm tak kan neih theih nan inthlanna buaipuitute, Political Parties, Media, NGO-te leh Sinlung Hills Council chhunga mipuite tawiawmna a ngen a. Mipui duhthlanna kal tlanga Sinlung Hills Council inrelbawlna tha tak a awm theih nana theih tawp chhuah theuh turin mitin te a sawm a ni.