Vawiin chawhnu dar 1:00 khan HPC Conference Hall Lungleiah Dr.K.Pachhunga M.L.A, Mizoram Bamboo Development Board Vice Chairman leh Lunglei Dist. a thu thar thehdarhtuten inkawmhona an nei a, Mizoram sawrkar Flagship programme SEDP hmanga Mau sawngbawl tum dan te a sawi.

Pu Lawmawma Tochhawng, Vice Chairman, High Powered Committee Lunglei District kaihhruaia inkawmna hunah hian Dr. K.Pachhunga MLA, Vice Chairman, Bamboo Development Board, Govt of Mizoram chuan SEDP a taka kalpui turin Board hrang hrang hnathawk thei tur a din a nih tawh angin Bamboo Development Board pawh a in ruahman chho a,  Mau hi Mizoramah a tha duh em em a, ram changkang zawk te phei chuan mau hmanga thil siam hi an duh  a,  tunah chuan The future technology of the World is Bamboo Technology tih a ni tawh a, CM Pu Zoramthanga’n hetiang ang Policy a lo tuipui thiam hi a changkang a, amah pawh a ngaihsanawm phah hle a ni a ti.

Dr K.Pachhunga MLA chuan  ‘State tin hi Sorkar laipuiin a phal ang tawk a sum a pek kan ni a, sum hi a pawng a taka lakchhuah theih a ni lova, sum dil nan hlasak a ngai a, kan ram hi a buai si lova, tuilian leh thli chhia ten a ti buai ve si lova, chuvangin sum hailuh nan CM Pu Zoramthanga hian Bamboo Policy-ah min luhpui ta a, hetiang a Mau hman tangkai dan leh a pawimawhna a hria hi a changkang a ni” a ti. Mauah hian Carbohydrates  leh silica te a awm a, China phei chuan an champion pui a, mau atangin kawr, lukham, inchhung bungrua leh Sintex hial te siam chhuah tawh a ni a.Mauah hian thil ropui tak tak mihring mamawh Pathianin a  dah a, hetiang ang a mau hlutna CM in a hria hi a ngaihsanawm hle a ni” a ti.
   
Mizoramah Mau chi 36 a awm tih sawiin western belt-ah an tha duh a, Mau tamna ram ni si Mau hi sum lakluh nan kan hmang tangkai lo em em a, Tripura State chuan nasa taka sum lakluh nan an hmang tawh a, Mizoram pawhin SEDP atangin Mau ah hian nasa taka hmalak a tum tih sawiin Sum hmuh nan Mau hi hman anih dawn avangin Mau chi tha lakluh a ni dawn a, Tamil Nadu-a Masuri-a Laboratory-ah mau lakluh tur a enchhin chu ft 120 a sei, maupui tiat, chang neilo  a niin hei hi kum 6 kalta khan CM Pu Zoramthanga hian Burma atanga la in a test tir a, a hmingah pawh Zoram bamboo ti a vuah a ni a ti.