Ex-Service League bultumin tukin ah leh vawiin chawhnu khan sipai bangten War Memorial, Treasury Square ah leh Loch Hall, 46 Assam Rifles ah Jessami Day an hmang.
Jessami Day hi Indopui II naa !st Assam Regiment Mizo tlangval 200 rual awmna in Kohima atang 60 Kms a hlaa Jessami khuaah Japan sipai Kohima pana kalte ni tam tak an lo danbehna hriatrengna ni a hman thin a ni.
Tukina War Memoriala Jessami Day hmannaah hian ram tana nunna hlantute zahna leh hriatrengna pangpar dah a ni a, dahtute zingah hian Home Minister Pu Lalchamliana, Chief Secretary Pu Lalnunmawia Chuaungo, DIG 23 Sector Assam Rifles Brig Vinod S leh Col. Arindam Majumdar, Assam Regiment Centre, Shillong te an tel a ni.
Chawhnu lamah sipai bangte hian he ni pual hian 46 Assam Rifles Loch Hallah inkhawmna an nei zui a, ruai ‘Bara Khanna’ an kilho nghal bawk a ni.
