Vawiin chhun khan Lunglei DC Conference Hall-ah kumin Lok Sabha Election vil tura Election Commission of India in a ruat General Observer Pu Krishna Kumar, IAS chuan election kaihhnawih official-te leh political party aiawhte inthlan hmachhawn tura inpuahchahna a sawipui. Meeting-ah hian Lunglei DC Pi K. Lalrinzuali, SP Pu C. Lalthanmawia, Election Nodal Officer-te leh political party aiawhte an tel.

General Observer Pu Krishna Kumar, IAS chuan Lok Sabha inthlan muanawm leh felfai tak a awm theihna tura thil pawimawhte kalkhawmte sawipuiin Inthlana sum senso te mumal taka chhinchhiah leh ziah te, Model Code of Conduct zawm that te, party flag, banner leh poster tar chungchangah te leh inthlan kaihhnawiha ECI in guidelines hrang hrang a siam te ngai pawimawh leh zawm theuh turin kalkhawmte an chah a. Election atana mamawh motor hman tur, security, EVM phur tur motor-a GPS vuah, polling personnel-te training pek, photo voter slip semchhuah kawngah te uluk leh mumal taka ruahmanna siam turin a mawhphurtu officer-te a chah a. Inthlan chungchanga sawisel duh leh report pe duh te tan biakpawh theih reng (9837053603 (WhatsApp), 6009083503) a nih thu a tarlang bawk.

Pu Krishna Kumar hian vawiin vek khan Lunglei khawpui chhunga Polling Station thenkhat tlawhin ECI bituk angin Assured Minimum Facilities (AMF) - electric connection, inthiarna thianghlim, ramp, inbiakpawhna (mobile connectivity), a panna kawng (connectivity)-te a awm tha em tih te a enfiah a. Saikuti Hall-a EVM Strong Room leh vote chhiarna tur hmun a ruat Counting Centre te pawh tlawh kualin ruahmanna kal mekte chu chipchiar taka enfiahin thurawn te a pe a ni.

Attachment

  • Loading attachment...