Sipai hotu Lt.Gen. Arun Kumar Shahni, GOC 3 Corp, Dimapur chuan nimin tlai khan Chief Minister Pu Lal Thanhawla chu a chenna bungalow ah hmuin inkawmna hun tha tak an nei.

Lt Gen hi a hna kallai bawhzuia hmarchhak hmun hrang hrang tlawh kual a ni a. Vawiinah Champhai lam a tlawh leh ang.

Lt Gen Arun Kumar Shahni hi Major Gen Satish Dua, IG Assam Rifles (East), Masimpur, Silcharin a rawn tawiawm a.

Sipai hotu pahnih te hi an nupui ten an rawn tawiawm bawk a, Brig Reddy, DIG, 23 Sector Assam Rifles pawhin sipai hotute hi a rawn tawiawm bawk a ni. Chief Minister hi a nupui Pi Lal Riliani bakah Pu L.R.Sailo, Press Secretary to Chief Minister in an tawiawm bawk a ni.