Pu T. Sangkunga MLA, Chairman, Mizoram Youth Commission chuan Army Recruiting Office, Aizawl sawmna angin Sipai Lak Runpui, 2016, Rajiv Gandhi Stadium, Mualpui, Aizawl-a neih bul tanna a hmanpui. He hun hmanpuitu Pu T. Sangkunga chuan sipai a intlar tum thalai rualte chu fuihin tum khatna a an tlinglo anih pawhin bei nawn fat fat a, tlin tum ngei turin a fuih a. Rally lo thleng tu ITI leh Mualpui Veng mipuite hnenah lawmthu a sawi nghal bawk a ni. Hemi hnu hian 1.6 km tlan turte a vailiam nghal a ni.

Tun tum Sipai lak runpui hi ni 29.01.2016-a tanin ni 01.02.2016 thleng a awh dawn a. 1.6 km tlan, ‘Chin Up’, 9 foot ditch, zig zag leh medical test a tlingte tan ni 28.02.2016 ah written test neih tur a ni.

Tun tum Sipai lak runpui lo buaipui tu Col. Sameer Sharma, Director, ARO, Aizawl in a tarlan dan in sipai intlar tum 2000 chuang an pungkhawm a. 1.6 km tlan leh ‘Chin Up’ ah te an inel dawn a ni. Tlan leh ‘Chin Up’ a tlingte hi Excellent leh Pass Category ah then an ni. Tlan a Excellent hmu te hian 48 marks an hmu a, pass te hian 36 marks an hmu dawn a ni. ‘Chin Up’ vawi 10 thei ten Full Mark an hmu anga, vawi 6 aia tlem ‘Chin Up’ ti te chu qualify lo a ngaih an ni. Written hian Mark 100 (objective type) a pu a, Question 50 Mark hnih (2) theuh pu chhan tur a ni. Question te hi hetiangin thensawm a ni - G.K - 20 Questions, Science -15 Questions, Maths - 15 Questions. Director ARO hian Soldier G.D ah chuan mi an tam tawk thu leh 10+2 clerk leh technical ah erawh vacancy a tam thu leh Mizo thalaite tang leh zual se a duh thu a sawi.

Rally hi naktukah chhunzawm tur a ni a, online registration tilo te tan Chairman, Mizoram Youth Commission ngenna angin remchang siam tum anih thu Col. Sameer Sharma hian a tarlang bawk a ni.

Rally a tel candidate te tan hian ARO, CYMA, ITI Branch YMA leh Mizoram Youth Commission tangkawp chuan chhun chaw a buatsaih dawn a ni.

Attachment

  • Loading attachment...