Kumin 2016, November ni 2-6 chhunga Rajiv Gandhi Stadiuma sipai lak runpui neih tur chungchangah vawiin khan Aizawl District DC Pu Kanan Gopinathan kaihhruaina hnuaiah committee pawimawh tak neih a ni a, sipai tan tumte chuan online in an in register ngei ngei a tul thu sawilangin, online a dil lo te chu pawm an ni lovanga, hnawl an ni ang tih uar takin an tarlang.

Committee chuan sipai lak runpui huna mamawh turte department hrang hrangah chanvo a tuk a. Chung departmentte chu PWD, PWD Electrical Division, SP, Aizawl, SP(Traffic), Aizawl,3rd Bn MAP, P&E, PHE, Medical, Fire & Emergency, AMC(Sanitation Wing), MYC, Sainik Welfare Board, I&PR, Army Recruiting Office, Local Council & YMA Branch, ITI Veng leh DC Office te an ni a, Sipai lak hunah hian ei tur pek an nih tur thu tarlan ni bawkin, district tin atangin lak an ni ang.

Online a dilna hun hi tun thla October ni 16, 2016 thleng dil theih a ni a, www.joinindianarmy.nic.in ah dil theih a ni. Hrechiang duh tan telephone no. 0389-2351518 leh 0389-2351166 ah zawhfiah theih a ni.