Army Recruiting Office (ARO) chuan Sipai Lak Runpui (Recruitment Rally), ni thum awh tur chu tukin zing atang khan Rajiv Gandhi Sports Stadium, Mualpui-a an buatsaih tan a. Vawiin khan Lunglei, Serchhip, Lawngtlai leh Saiha District atanga lokal te chu an intlar a, naktuk April ni 11 khian Aizawl, Mamit, Champhai leh Kolasib District a cheng te an intlar thei anga. April ni 12 khian Sipai bang tawh fate, Sipai tanglai fate leh Sipai nupui, mahni pasal sun tawh fate leh infiammi te an intlar thei ang.

Tun tum Rally ah hian Soldier General Duty bakah Soldier Tradesman, Soldier Clerk/Store keeper Technical, Soldier Nursing Assistant leh Soldier Technical te lak an ni dawn a. Recruitment Rally hi I & PR Director Pu Jim K Chozah; Sainik Welfare & Resettlement Director Sugr. Lt. Cdr. (Rtd.) Lalnuntluanga leh Ex-Servicemen Association aiawh ten an hmanpui a ni.