Vawiin chawhma dar 11 khan Aizawl DC Pu Franklin Laltinkhuma kaihhruaiin a Office Chamber-ah January ni 28 atanga February ni 1, 2016 chhunga Rajiv Gandhi Stadium Mualpuia Sipai lak runpui neih tur chungchang sawi ho a ni a. He thutkhawmnaah hian Army Recruiting Office hotute leh sawrkar department hrang hrang aiawh te bakah NGO aiawh atangin member an kal tha hle a ni.

Meeting kaihruaitu Pu Franklin Laltinkhuma chuan he hun hi Mizote tan hun tha a ni tih hria a thalai ten an hman tangkai ngei a beisei thu leh Department aiawh a kalkhawmte chu theihtawp chhuahpui turin a sawm a. Meeting-ah hian Department hrang hrangte chu mawphurhna pek theuh an ni nghal bawk a ni.

Army Recruiting Office atanga lokal chuan Sipai lak runpui hi Mizo tan bik liau liau a nih avangin state dang atanga lo kal te ai chuan duhsakbik an nih tur thu sawiin Mizo thalaite chu a tam thei ang ber tel turin a sawm.

Candidate thlantlinte chu February ni 28, 2016 ah written exam neih leh tur a nih thu sawilan a ni bawk.

Meeting-ah hian February ni 18 leh 19-a Indian Air Force Airmen Recruitment Rally Aizawl leh Lungleia neih tur chu sawiho nghal a ni a, Sainik Welfare & Resettlement hotute chu theihtawp chhuah a Mizo thalaite lo kaihruai tura ngen an ni.