Sipai lak Runpui (Army Recruitment Rally) chu Rajiv Gandhi Stadium, Mualpui, Aizawl (Mizoram) ah tukin zing dar 2.30 atang khan neih tan a ni a. Sipai lakna hi Col Manish Natu, Director Recruiting, Mizoram in a kaihruai a ni.

Sipaia intlar tur hian online form thehlut a, admit card nei chauh tel phal a ni a. Mizoram District hrang hrang atanga  kal khawmin mi 2400 an tel a ni.

Sipai lak runpui (Army Recruitment Rally) hi December ni 6, 2017 thleng Rajiv Gadhi Stadium, Mualpui-ah hian neih tur a  ni a, vawiina tling (qualify) te tan naktuk atangin medical test neih tan a ni ang. Physical leh medical test paltlangte tan January ni 28, 2018 ah written test neih a ni ang.

Sipai lak (Recruitment) hi dik leh felfai taka neih thin a ni a. Engkim langtlang (transparent) leh computerized niin proprietary software hrang hrang, Biometric Systems, Bar Code Readers and Optical Mark Readers te kal tlanga tih vek a ni a. Physical paltlangte leh test hrang hrang Indian Army in a siam paltlangte chu Biometric System hmangin chhinchhiah nghal zel an ni.

Attachment

  • Loading attachment...