Sorkar Laipuia Ministry of Urban Development chuan February ni 28 leh 29 khian Aijal Club ah “Awareness Workshop On Sensitization of North Eastern Region Urban Development Program (Asian Development Bank funding Assisted Project)” an buatsaih dawn a. Programme duan lawk ang chuan a ni khatna hi Pu S.Hiato, PHE Minister in a hmanpui ang a, a ni hnihnaah Pu Zodintluanga, Minister UD&PA-in a hmanpui thung ang. Workshop-ah hian Mizoram Sorkar Department hrang hrang Finance, Planning, PHE, UD&PA, AMC, SIPMIU a Officials te bakah NGO\'s, MHIP, MUP, Self-Help Group, CYMA, Citizen Forum, Media leh Journalist atanga sawm bikte tel tur a ruahman a ni.

Workshop-ah hian Ministry of Urban Development hnuaia Officials te, Program Management & Monitoring Consultants Experts te leh Japan Sanitation Consortium atanga Experts ten Project hrilhfiah leh zirtirna an nei ang. Project Director SIPMIU leh a thawpuite hian workshop hi lo buatsaih puiin, State pawn atanga officials leh experts lo kal te hi an lo dawng sawng a ni.