State Investment Program Management and Implementation Unit (SIPMIU) chuan tunhnaia Khatla PWD Tlanga AMRUT Scheme hnuaia tuizem thar litre nuai 10 dawng thei an siamah tui luhna tur direct pipeline phum a nih theih nana theihtawp chhuah puitu - PWD leh PHE Department te chunga lawmthu an sawi.

Mipuite’n regular leh hnianghnar zawka tui an hmuh theihna tura hmalakna pawimawh takah kawng engkimah PHE leh PWD ten SIPMIU an thawhpui naah SIPMIU chuan lawmthu an sawi a, an thawhhona rah chhuah in mipui a thleng dawn chu lawmawm an tih thu SIPMIU chuan an sawi bawk a ni.

Khatla PWD Tlanga PHE in AMRUT Scheme hnuaia tuizem thar an siam, litre nuai 10 dawng thei ah Tuikhuahtlang to Khatla PWD Tlang SIPMIU 150mm diameter direct pipeline kaltlangin hlawhtling February ni 15, 2020 chhun ah taka tui chhun luh a ni. Tuizem awm sa hian veng chawm a ngahin tui sem daihzai a har thin a.Tunah tuizem thar siam zo deuh chiah tihin SIPMIU direct line kaltlangin tui a lut leh chiah a. Tuizem pahnihin dedicated feeder line an neih takah chuan tui sem lam pawh a sawtin a ziaawm ngei beisei a ni a. Khatla PWD Tlanga tuizem pahnihah direct ve ve in Tuikhuahtlang atangin tui pek a ni tawh dawn a. Tuizem thar hian veng thenkhat, tui pawt na ho Bungkawn, Vengthar, Nursery leh Maubawk veng thenkhatte a chawm tawh dawn a ni.