Vawiin khan SIPMIU chuan Aizawl khawpui chhunga Solid Waste Management hna an kalpui mekah Aizawl Municipal Area chhunga Local Council hrang hrang te nen Aizawl chhunga bawlhhlawh senghawi dan tur leh sawngbawl dan tur sawihona hun Tourist Logde, Chaltlang ah an nei.

SIPMIU hian an hmalakna kal mek, Solid Waste Management project hnuaiah hian khawpui chhung bawlhhlawh chu mumal taka sawngbawl a nih theih nan chhungkaw tin ten an bawlhhlawh te felfai zawka an thliar thiam a tul in, hemi atan hian inzirtirna tha neih tam a ngai a. Hemi tihlawhtling tur hian Aizawl Sanitation Task Force kal tlangin Action Plan on Source Segregation Campaign SIPMIU in a buatsaih pawh pawm fel tawh a ni.

Vawiin meeting-ah hian bawlhhlawh bunkhawmna hmun (Landfill) buatsaih leh hman dan tur inhrilhfiahna te, bawlhhlawh tawihthei leh tawihtheilo chhungkaw tina thliar hran a pawimawhzia sawiho a ni a. Vengchhung a lut a, house-to-house campaign neih tura hma la mek atan SIPMIU hian Local Council memberte tawiawm leh thawhpuiah sawm bawkin, hmalak tum tan te inhrilhfiah a ni.