2535/2026-2027

Dated Khawzawl, the 6th October, 2026 : Khawzawl District Deputy District Election Officer Pu K. Zorammuana chuan Special Intensive Revision 2026 Final Electoral Roll tlangzarh taka appeal leh hearing chungchangah hetiang hian thu a chhuah.

Dt.07.09.2026 khan Special Intensive Revision atanga final Electoral Roll chu tlangzarh a ni a. Dt.09.09.2026 khan Final Roll tihchhuah taka lungawi lohna nei tan District Magistrate hnenah ziak in roll tihchhuah atang ni 15 chhungin District Magistrate hnenah appeal theih anih thu hriattirna tihchhuah a ni a.

Hun tiam chhungin mi 18 hnen atangin appeal lehkha dawng zinga mi 15 tan ni 18.09.2026 khan District Magistrate ho in hearing neih tawh a ni a. Midang 3 tan hian hun remchang hmasa berah hearing hi neih leh tur a tih a ni.

Hearing neih tawh zingah mi 6 (paruk) dilna chu ngun taka ngaihtuah anih hnuah pawmsak an ni a. Electoral Roll-ah an hming thun leh tur a ni.

Appeal pawm a nih chhan chu an nu emaw an pa emaw SIR 2005-ah chuang tih hmuhchhuah a nih bakah India khua leh tui dik tak an nihna tichiang thei tur document pawimawh an neih vang a ni.

Appeal thehlut zingah mi 9 (pakua) te erawh chuan India khua leh tui an ni tih finfiah theihna tur engmah a awm lova. Tin, anmahni ngeiin Myanmar atanga rawn pem thla an ni tih district Magistrate hmaah an pawm avangin an dilna hi chu hnawl a ni thung.

Tunah hian Continuous Updation kalpui leh nghal mek a ni a. SIR 2026 kalpui a nih laia roll a in thun ve hman lo emaw hmaih palh emaw kum tling thar te tan inziahluhna hun hawn leh mek a ni a. Electoral Roll a chuang thei diktak te ziahluh an nih theihna tur hian Enrollment Drive hi Booth Level tinah BLO te kaltlangin neih chhunzawm tur a ni.