743/2026-2027

Lawngtlai, 29th May 2026: Special Intensive Revision (SIR) 2026 kalpui tur atana inbuatsaihna kal zelah vawiin khan Lawngtlai District Election Officer Pu Donny Lalruatsanga chuan a Office Chamber-ah Kohhran hruaitute a kawm. 

Pu Donny Lalruatsanga chuan lawmthu sawina neiin, SIR 2026 nihphung tlangpui leh Lawngtlai District - a kalpui tura chak taka hmalak mek zel a nih thu a sawi a. SIR 2026 ah Electoral Roll-thar hlak siam a nih tur thu tarlangin, E/Roll-a hming chuangte India khua leh tui dik tak an nih a pawimawh hle a ni, a ti. Election Officials-  ten theihtawp an chhuahnaah NGOs leh Kohhran te puihbawmna a tangkai dawn hle tih sawiin,  Kohhran hruaitute thawhpuiah a sawm a. A bik takin India khua leh tui dik tak ni lo te  E/Roll- a an  chuan palh a pawi thei dawn hle tiin, hemi kawngah hian Kohhran ten theihtawp chhuaha lo fimkhurpui turin a sawm a ni. Lawngtlai District - ah ral tlan tam tak an awm mek tih sawiin, hei vang hian fimkhur taka hmalak a ngai dawn tih sawiin, Kohhran ten hriatpuia lehkha an pekchhuah kawngah pawh fimkhur thar turin a ngen  a. District Election Officer chuan Electoral Roll- felfai leh thianghlim nei tura theihtawp chhuahpui turin Kohhran hruaitute a sawm nghal a ni.

Kohhran hruaitute chuan District Election Officer - in Kohhran te a ngaihpawimawhna kawngah lawmthu an sawi a. Special Intensive Revision 2026 chu tha leh felfai taka kalpui tha an tih thu tarlangin, hemi kawngah hian Kohhran chuan an theihna kawng kawngah theihtawp an chhuahpui tur thu an tarlang a.  Kohhran hruaitute chuan India khua leh tui dik tak chauh E/Roll- a an chuan theihna tura an thawh tur thu leh kawng hrang hranga DIstrict Election Office an thawhpui tlat tur thu an tarlang bawk. 

Vawiin hun hmannaah hian Election Officials- te, MJA Lawngtlai aiawh leh Lawngtlai District - chhunga Kohhran hrang hrang aiawhte an tel kim tha hle a, Pu Donny Lalruatsanga chuan lawmthu sawiin hun a khar.