1295/2026-2027

Dated Aizawl the 4th July, 2026 : SIR 2026 Enumeration Phase zawhfel a nih hnuah vawiin khan Draft Electoral Roll tihchhuah a ni a. Claims & Objections hun hawn tan niin, MizoramChief Electoral Officer Pi Garima Gupta, IAS, chuan thuthar thehdarhtute I&PR Conference Hall-ah a kawm a. He press conference-ah hian a hnuaia mi ang hian press note a tichhuah a ni:

1.       Election Commission of India lehkha No.23/2025-ERS(Vol. II) dt 14^th May, 2026 thupek angin Special Intensive Revision 2026 chu May ni 20, 2026 atang khan Mizoram pumpuiah kalpui tan a ni a. Tunah hian Mizoram tiamin State 16 leh UT 2 ah Special Intensive Revision, 2026 Phase thumna kalpui mek a ni. 

2.       SIR 2026 kalpui dan tur ECI-in a ruahhman dan chu a hnuaia mi ang hi a ni.

          A tira Election Commission of India ECI ruahmanna ang chuan Draft Electoral Roll tar chhuah ni hi Ni. 05.07.2026 a ni a, amaherawhchu Pathianni (Sunday) a nih avangin CEO Office, Mizoram ngenna angin Ni. 04.07.2026 (Inrinni-ah) sawn a ni.

3.       SIR 2026 kalpui mekah hian electoral roll-a chuang thei chin chu July Ni 1, 2026 a kum tling chin a ni a. Ni 01.07.2008 hma lama piang chin tan electoral roll-ah inziah luh  theih a ni.

4.       Special Intensive Revision (SIR), 2026-ah hian roll thar hlak buatsaih niin, a buatsaihna atan Special Intensive Revision neih hnuhnun ber, kum 2005 Electoral Roll hman a ni. 

5.       Form pawimawh zawng zawng chu District Election Offices tinah buatsaih leh print a ni a. BLO tin hnenah pek chhuah niin, BLO te hian in tinah (house to house) an sem a ni. Form sem chhuah hi Khawzawl District in zo hmasa berin, Ni 5, June 2026 khan an sem zo.

6.       SIR 2026 buaipuitu official-ten felfai taka an kalpui theih nan CEO, Mizoram buatsaiha training leh State level review meeting neih a nih tawh dan chu:

i. ERO leh AERO te tan Chief Electoral Officer, Mizoram in Aizawlah training a buatsaih.

ii. June ni 3, 2026-ah Pu Apurva KR Singh, Dy. Director, ECI hoin District Media Nodal Officer leh District Media Assistant Nodal Officer tan training buatsaih a ni.

iii. June ni 8, 2026-ah Pi Shubhra Saxena, Director, ECI hoin SIR kalpui mek thlir hona neih a ni.

iv. District tinah Booth Level Officer leh Booth Level Agent te tan District Election Office ten phase-wise in training an buatsaih thin.

v. Hemi bakah hian CEO, Mizoram hoin kar tin biak hmuh theihna kaltlangin SIR kal pui dan thlir hona, DEOs, EROs leh AEROs ten neih thin a ni a. Tin, digitization ti chak lo ERO/AERO te nen an dinhmun leh harsatna te chu biak hmuh theihna kal tlangin an sawiho thin bawk.

7.        May ni 30, 2026 atang khan Enumeration Phase kalpui tan a ni a. Mizorama BLO ten House to House visit neiin Enumeration Form sem, lak khawm leh digitization an kalpui a ni. Enumeration Phase chhunga (30.05.2026 to 28.06.2026) Enumeration Form sem chhuah leh lak khawm chu a hnuaia mi ang hi a ni:

i. Enumeration Form sem chhuah    -        8,75,068

                   ii. Enumeration Form lak khawm     -        8,28,906

8.       Enumeration Forms lak let theih loh 46,163 (5.28%) a awm a. A chhan hrang hrang te chu:

i.        Boral tawh                     -        21,295 (2.43%)

ii.       Awmna chin hriat loh    -        8,333 (0.95%)

iii.      Hmun danga pem           -        13,978 (1.60%)

iv.      Roll a thun tawh            -        2,248 (0.26%)

v.       Others                            -        309 (0.04%)

vi.      Assembly Constituency zingah 19-Aizawl South II (ST) AC chu UEF nei tam ber niin, lak khawm theih loh 2,351 (8.23%) a awm.

9.       SIR, 2026 Third Phase kalpui mek zingah Mizoram hi Enumeration Form 100% digitization zo hmasa ber niin, June ni 25, 2026 khan zawh fel a ni.

10.     22-Tuichang (ST) Assembly Constituency, Khawzawl District huam chhunga part zawng zawngah June ni 14, 2026 khan digitization zawh fel niin, Assembly Constituency leh District Level-ah Mizorama enumeration form digitization zo fel hmasa ber an ni. 

11.     Enumeration Form upload tawh hi chi hnih - Enumeration Form Digitized  leh Uncollectible Enumeration Form  tiin then a ni. Tun dinhmuna bial chhunga voter la cheng, enumeration form fill up-a theh lut zawng zawngte hi Enumeration Form Digitized tih huang chhungah hian an tel a. Voter thi tawh emaw pem tawh emaw an awmna chin hriat loh emaw e-roll a chuang duh lo emaw te hi Uncollectible Enumeration Form hnuaiah dah an ni thung. 

12.     Tun dinhmuna Enumeration Form Digitized hi 8,28,906 a ni a. Heng Enumeration form digitized te hi draft rollah pawh an chuang chhunzawm dawn a ni. 

13.     Ni 04.07.2026 hian Mizoram chhunga Assembly Constituency 40 atan District 11-ah Draft Electoral Roll, 2026 w.r.t 01.07.2026 as qualifying date chu tar chhuah a ni a. District tina electors awm dan chu a hnuaia mi ang hi a ni-

Tunah hian Mizoram pumah Service Voters Mipa 4091 leh Hmeichhia 94, a vaiin 4185 an awm mek bawk.

India khua leh tui dik tak, Ni 01.07.2026-a kum 18 tling tawhte chuan mahni bialtu ERO/AERO/BLO hnenah Electoral Roll-a inthun luh dilna theh luh chhunzawm zel theih a ni a. Dilna hi https://voters.eci.gov.in  leh Voter Helpline App atangin theh luh theih a ni bawk. Draft Electoral Roll hi EROs, AEROs, BLOs leh DC/DEO office-ah en theih a ni a. Draft Electoral Roll hi political parties te pek vek an ni ang. Tin CEO’s website -  https://ceo.mizoram.gov.in/ ah a en theih bawk.

14.     Kum bithliah hrang hranga Mizorama Elector awm dan chu a hnuaia mi hi a ni – 

15.     SIR 2026 kalpui chhung hian Polling Station thar 52 siam niin, Polling Station pakhat (1) paih a ni a, tichuan tun dinhmunah Mizoram pumah Polling Station 1352 a awm mek a ni.

16.     July ni 4, 2026-a draft roll tlangzarh a nih atang hian claims and objection period chu July ni 4, 2026 atanga August ni 4, 2026 thleng hawn a ni. Hemi hun chhung hian heng a hnuaia mite tan hian form theh luh theih a ni ang:

i.        Draft roll-a chuang ve hman lo kum tling thar emaw Enumeration Form thehlut ve hman lo te tan Form-6. 

ii.       Electoral roll atanga paih ngai, draft roll-a chuang si an awm chuan delete dilna Form 7 a theh luh theih ang.

iii.      Electoral Roll-a chuang tawh siam that (correction) ngai nei tan siam that dilna Form – 8 a theh luh theih.

iv.      Draft roll chhuah laia vote neihna leh tuna chenna hmun inang lo tan insawn (transfer) Form – 8  dil theih a ni bawk. 

v.       Form hrang hrang te hi bialtu BLO hnenah a lak theih reng a, tin ECINET application hmangin online pawhin a theh luh theih reng a ni.

17.     Tun thlengin Special Intensive Revision 2026 kalpui dan chungchangah harsatna lian tham kan la tawk lova. Official zawng zawngte inpekna leh khawtlang hruaitute leh vote nei zawng zawngte thawhpuinaah lawmthu kan sawi a. He revision hi a hun takah tluang taka zawh theih kan inbeisei a ni.