703/2026-2027

Siaha the 26th May 2026: Election Commission of India (ECI) buatsaih Special Intensive Revision (SIR) kalpui mek chungchangah vawiin khan BLO Supervisors, Booth Level Officers leh Asst Booth Level Officer te tan ni-hnih awh tur training chu Election Officer Pu Vabeimozachhi Chozah kaihhruainain DRDO conference Hall-ah ṭan a ni.

Vawiin training-ah hian ERO, 40-Palak (ST) AC, DRDO a Project Director ni bawk Pu M Misael chuan training chu ngai pawimawha roll felfai leh thianghlim a awm theih nan theihtawp chhuah turin a chah. Democracy ramah chuan election (inthlanna) a awm reng dawn a, a hre sa tan pawhin inhrilhhriat nawn fo a, intuaithar reng ngai a nih avangin training chu a pawimawh hle a ti. Kalkhawmte chu ECI aikal (deputation) an ni tih inhriaa theihtawp chhuah turin leh an mawhphurhna tha taka hlen chhuak turin a chah a ni.

Pu Abraham Beirazi Khithie, ERO, 39-Saiha (ST) AC pawhin thu sawiin electoral roll thianghlim a awm loh chuan inthlanna thianghlim a awm thei lo a, democracy rama pawimawh ber inthlanna felfai a awm theih nan training tura kalkhawmte chu an mawhphurhna tha taka hlen turin a chah. E roll siam that runpui SIR 2026 a mawhphurhna pawimawh tak an ko a a tla chu a chhuanawm a, mi tinin ram rorelnaa an duhzawng hruaitu an thlan theihna tura an dikna chanvo humhalh a nih theih nan roll ah thun tur dik tak thun a, paih ngai te paih an nih theih nan tan la turin a fuih a ni. Mawhphurhna hrang hrang nei te thawhhona tha tak nei turin leh hriatchian loh an neih chuan midang zawt hreh lo turin a chah a, training hlawkthlak tak nei turin duhsakna a hlan nghal bawk a ni.

Pi Zorinsangi, AERO 39-Saiha (ST) AC chuan overview of SIR 2026 tih thupui hmangin zirtirna a pe a, Pi Lalhlimpui Pachuau, AERO 40- Palak (ST )AC pawhin roles and responsibilities of BLO tih thupui hmangin zirtirna a pe bawk. Kalkhawmte nen zawhna leh chhanna hun hman niin SIR 2026 kalpuina tura lehkha pawimawh hrang hrang sem nghal a ni.