776/2026-2027

Dated Serchhip, the 30th May, 2026: Vawiin khan Serchhip District chhunga Booth Level Officer (BLO) te chuan bial hrang hrangah in tin tlawh chhuakin, Electoral Roll thar siamna atana inziahluhna tur 'Enumeration Form' sem hna an kalpui tan.

Tun dinhmunah Serchhip District Assembly Constituency pathum— 26-Serchhip (AC), 27-Tuikum (AC) leh 28-Hrangturzo (AC)-ahte hian Electoral Roll-a chuanglai mi 55,389 an awm mek a. Vawiin bikah hian heng constituency hrang hrang-ahte hian, Electoral Roll thar atana inziah luhna tur Enumeration Form 4,417 (7.97%) sem chhuah a ni.

Heng constituency hrang hranga Form sem chhuah dan dinhmun chu hetiang hi a ni:

• 26-Serchhip (AC): BLO 29 awmin, Enumeration Form 1,801 an sem.

• 27-Tuikum (AC): BLO 32 awmin, Enumeration Form 1,545 an sem.

• 28-Hrangturzo (AC): BLO 27 awmin, Enumeration Form 1,071 an sem.

Enumeration Form hi BLO-te hian May ni 30 atanga June ni 28, 2026 chhungin, in tin-ah an sem kual dawn a. Form sem chhuah hna an thawh piah lamah hian, a lakkhawm leh Form dah khah (fill-up) dan thiam lote puih hna an thawk nghal dawn bawk a ni.