Vawiin khan SIRD&PR , Mizoram buatsaih, “Training Course for Social Impact Assessment for Newly Recruited Field Investigators” chu SIRD&PR Auditorium, Durtlang, Leitan-ah neih a ni. He training hian ni 2-5, 5, 2017 thleng a awh ang. 

Training hawnna programme hi Pu Khawlsiamthanga Khawlhring, Deputy Director, SIRD&PR in a kaihruai a. Training-ah hianPu R. Lalramnghaka, Secretary, Land Revenue & Settlement chu Khuallian niin, Field Investigator-te chu taima leh rinawm taka thawk turin a chah a, an hnathawh kaltlangin chhawmdawlna dawng tur tak ten an dawn ngei theihna tur a thahnemngai turin a chah bawk. Sorkar-in land acquisition lam mithiam leh pawl ho chhawr mai tur a mamawh thin thu sawiin, chutianga chhawrtheih tura intuaihriam tur leh rinchhan tlak ni thei tura inbuatsaih turin a sawm bawk. He hunah hian Dr. M.S Dawngliani, Principal, ETC, Pukpui-in Technical Report a pe. 

Training chhung hian Social Impact Assessment zirchiannate, Mizoram revenue law te, land acquisitions chungchangte, Mizoram sorkar inrelbawl dan te, SIA hnuaia local investigator mawhphurhna te, Participatory Rural Appraisal-te, Focus Group Discussion te zir a nih dawn bakah trainee-te hi field practical work neihpui an ni ang.