Vawiin khan State Institute of Rural Development & Panchayati Raj (SIRD&PR), Mizoram, Durtlang Leitan buatsaihin Village Council Member te tan ‘Gram Panchayat Development Plan’ training ni thum chhung awh tur chu tan a ni.
He training hi Phullen RD Block huamchhunga VC 12 te tan SIRD & PR Conference Hall, Durtlang Leitan ah, Darlawn RD Block huamchhunga VC 14 te tan Agriculture Committee Room, Aizawl ah, Bunghmun RD Block huamchhunga VC 14 te tan BDO Conference Hall, Lunglei ah, Bunghmun RD Block huamchhunga VC 15 te tan Sub Headquarters YMA Conference Hall, Lunglei ah, Khawzawl RD Block huamchhunga VC 17 te tan I & PR Conference Hall, CHANEM, Champhai ah leh Khawzawl RD Block huamchhunga VC 18 te tan BDO Conference Hall, Khawzawl ah te neih a ni.
Rural Development Block hrang hranga Village Council te atang hian Village Vouncil President, Village Council Secretary leh Village Council Member 2 zel tel tura koh an ni.
He training hi Ministry of Panchayati Raj in Village Council te tihchakna tura a duan Rastriya Gram Swaraj Abhyian hnuaiah kalpui a ni a. Village council te chu ruahmanna siam dante, tihhlawhtlin dan turte, vilzui hna leh thlirletna te an thiam theih nan training hi pek an ni.
