Vawiin khan SIRD&PR buatsaihin Rasthriya Gram Swaraj Abhiyan (RGSA) scheme hnuaiah Village Council te tan Training on “Gram Panchayat Development Plan” (GPDP) chu Aibawk R.D Block hnuaia VC-te tana buatsaih a ni. He training SIRD Conference Hall, Durtlang Leitan a neih hian ni thum (7th – 9th March thleng) a awh ang. Aibawk R.D Block hnuaia khaw hrang hrang VC member 35 an rawn tel thei a ni. Tun tum training na a rawn kal ho hi GPDP bikah last batch an ni a. Mizoram khaw tin a VC te (Lawngtlai leh Saiha Districts telloin) chu GPDP training hi an pe vek tawh a ni.
GPDP training hi Pu Khawlsiamthanga Khawlhring, Deputy Director, SIRD&PR in a hawng a, VC te chu khawtlang hmasawnna atan an pawimawh zia leh hmasawnna an neih theih nana an hriat tur leh an hmalak dan turte chu SIRD&PR in training a pek chhan chu an ni tih a hrilhfiah hlawm bawk.
He training ah hian Village Council-te chu tualchhung rorelna dik leh tha an kenkawh theih nan zirtirna pek an niin VC-te thuneihna leh an mawhphurhnate, ruahmanna (plan) pawimawhnate, office kalphungte, rorel dante, vantlang inkhawm (gram sabha) pawimawhnate, sawrkar hnuaia scheme leh project hrang hrangte hrilhhriain zirtirna pek an ni.
Tin, hemi rual vek hian District hrang hrang khawpui 6 (Aizawl, Lunglei, Champhai, Kolasib, Serchhip, leh Mamit) ah te theuh “One Week Training Course for Computer Training Under RGSA” chu kalpui an ni hlawm bawk a. Heng training-te hian 7th – 11th March 2017 thleng an awh hlawm ang. Heng training ah te hian VC tin atangin mi 2 theuh rawn intirin an vaiin VC member 330 lai an tel .Computer Training hi Mizoram a VC zawng zawngte March thla chhung ngeiin Training hi pek vek hman tum an ni a. VC tam zawk chu training hi pek tawh an ni.
Heng training ah te hian Village Council member-te chu ‘Office Automation and Desktop Publishing” zirtir an ni a. Tunlai chhanah Computer tel lo in hna a thawh theih tawhloh avangin VC-te chu computer basic, typing leh printing te zirtir an ni nghal bawk.
kldl
