Site Allotment Advisory Board(SAAB), Kolasib chu vawiin khan an chairman District Bawrhsap Pu H.Lalengmawia hovin DC Conference Hall-ah an thukhawm.

Bawrhsap chuan ram thangzelah mihring kan pung zel karah in hmun felfai zawka pek a nih theih nan SAAB in mumal zawka hmalak a ngai a ni a ti a. Board member te pawh thahnemngai taka ram hmasawnna atana ngaihtuahna seng turin a ngen a ni.

Vawiin meeting-ah hian Kolasib Town Area chhunga House Pass neilo a in ding lo awm tawh te, VC in ram an lo pek Pass mumal siam zuiloh te enfel ni se an ti a. Hemi ah hian Project Veng, College Veng leh Thingdawl ah te chhungkaw tam ta pass mumal neilo a in sa an awm avangin enfel hmasakah neih ni se an ti a ni. Town Area chhungah Periodic Patta neih theih a nih tawh loh angin, la neite VC tin ten an thuneihna huamchhungah lo zawng chhuak se, thutkhawm leh hunah hmalak dan tur ngaihtuah ni se an ti bawk.

SAAB, Kolasib hi Kolasib District Headquarter a din a ni a, Kolasib Town Area huamchhung a in hmun pek dan tur ah thurawn an pe thin dawn a ni.