Mizoram chhunga kuthnathawktute leh loneih dan dinhmun hre chiang turin nimin khan IFAD India hotu Pi Rasha Omar, Country Representative for Asia and Pacific Region leh Pi Meera Mishra, Country Coordinator ten Aizawl an rawn thleng a ni.

Aizawl an rawn thlen rual hian Agriculture and Allied Department hotute nen inkawm in, Mizoram-a loneih dan leh kalphungte an zirho a, he inhmukhawmna hi NLUP Implementing Board Vice Chairman Pu PL Thangan a ho a ni. Nimin tlai vek khan Mizoram University a FAO Partner te bakah NGO te nen inkhawmna hun an nei a, NLUP Implementing Board chuan an pualin zanriah a buatsaih a ni.

IFAD hotute hian Turial-a CDAR hmun an tlawh hnuin vawiin khan Mizoram an chhuahsan leh nghal a ni.

International Fund for Agriculture Development IFAD hi United Nations peng pakhat niin kum 1977 khan din a ni a, kum 30 chuang India ramah retheihna umbo a nih theihnan hna an lo thawk tawh a ni.