Vawiin khan Chief Secretary Pu Lalnunmawia Chuaungo hovin CS Conference Hall ah PAHOSS Executive Committee neih a ni .

Chief Secretary hova PAHOSS Exexutive Committe ah hian PAHOSS hnuaia Aizawl khawchhunga parking house siamna tura dilna lut te verification team ten a hmuna an endik tawh te thlir ho a ni. Tun tum ah hian Aizawl North atangin dilna 70, Aizawl South atangin 132, Aizawl East atangin 42 leh Aizawl West atangin dilna 60 te a lut a. Heng dilna te hi an awmna hmun a zirin Aizawl khawpui a lirthei vir vel leh kawngpui tawt lutuk tih ziaawm nan leh mipuiin lirthei hunna atana an chhawr tangkai theih dan te ngaihtuah chunga thlan chhuah leh an ni. 

PAHOSS hi kalpui a nih atangin dilna 1230 a lut tawh a, heng zingah hian 879 te chu a hmunah endik  tawh niin tunah hian 351 endik leh mek a ni. A endik tu 'verification team' te hian kar tin nilaini leh ningani apiangin a diltu te awmna hmun an endik thin a ni.  PAHOSS hnuaiah hian mi 140 thlan chhuah tawh an ni a, sawrkar chuan Rs 2154 lakhs a sanction tawh bawk a ni.