Vawiin dt 30.4.2013 chhun dar 1:00 khan LAD Conference Hall Mamit-ah SJSRY hnuaia BPL Family atanga, Tailoring, Beautician leh Two Wheeler Mechanic training chhuak thar mi 60 te hnenah Pu V. Lalremthanga, IAS District Bawrhsap chuan Certificate a hlan.
He Certificate hlanna inkhawm kaihhruaitu Pu P.H Rualzakhuma District Project Officer (SJSRY) chuan Mamit Urban Project hnuaia SJSRY hi kum 2010 atanga kalpui tan a nih thu sawiin BPL Family 603 an awm thu leh chung zing atang chuan Tailoring ah mi 69 Driving ah mi 66, Beautician ah mi 30 leh Two Wheeler Mechanic ah mi 20 training chhuak an awm tawh thu leh May ni 1. 2013 atanga training tur mi 60 an awm thu sawiin heng training chhuak za a 50 chuan eizawn nan an hmang tawh a ni, a ti.
He inkhawma khuallian Pu V. Lalremthanga, IAS District Bawrhsap chuan thusawiin Mamit Urban hnuaia BPL chhungkua ten mahni a eizawnna an din theihna tur leh hlawh tha zawk neih theihna tura training chhuak te chu a vanneih thlak hle a ni a ti a, Sawrkarin mirethei te hmakhua ngaiin mahni a zirna man tur neilo ten eizawnna ngelnghet kan neih theih nan kan zirna man atan cheng tam tak a seng thin a ni, tiin thahnem ngai taka an thil zir theuh te zir tur leh zir chhuak tawh te pawh an thiamna te tipung zel a, chhungkaw chawmna tlak a hmala turin a fuih a ni.
