Vawiin chawhnu dar 2:00 khan Lunglei Saikuti Hall Ground Floar ah 1st International N.E Trade Expo (30th April to 14th May,2013 ) Industries Department Govt. of Mizoram leh Prithivi Welfare Society, Guwahati te buatsaih chu Pu Pc.Lallawmsanga IPS Principal Secretary Industries Department, Govt. of Mizoram chuan a hawng.
Pu Pc Lawmsanga chuan thu sawiin kumtin in New Delhi ah India International Trade Fare neih thin a ni a. Mizoram state pawh in Mizo kutchhuak thil siam phochhuah a ni thin a,ramdang in min lo hriatphah ve thin a ni. North East Expo pawh hi IITF irhchhuah chhuah a ni a, ramdang leh state dang thil phochhuah leh tihlar a ni thin a. Ramdang leh State dangte thil phochhuah atang te hian thil tam tak tih tur leh zirtur kan nei a,rilru leh tihtak zet a ngaihtuahna seng a, hlawkpui ngei i tum ang u, a ti. He Expo buatsaih na ah hian Mizoram sorkar in sum sen ngai lovin Prithivi Welfare Society Guwahati in senso a tum vek dawn a ni.
He Expo hi look East policy nen pawh a in rem tak a ni dawn a.Khawthlang ram ho nen a insumdawn tawnna awlsam zawk a hring chhuak dawn a, chuvangin Lunglei District mipuite i lo in buatsaih ang u, a ti.
He Expo kan nei theihna bulpui ber chu kan Chief Minister leh Industries Minister te hmalakna vang a ni, a ti. Kan state pawn atanga lokal te hi hawihhawm tak leh entawntlak in i lo dawng sawng ang u, a ti bawk. Expo atang hian hmasawnna a chhuah ngei a ring a ni.
He N.E Expo hawnna inkhawm hi Pi R.Lalrodingi, Jt.Director,Induatries Dept. in kaihruaiin Pu Rangan Borpathra Gohain,Prithivi Welfare Society ,Guwahati pawh in thu a sawi a. He Expo ah hian dawr 65 awmin Thailand, Egypt, Bangladesh, Nepal, Singapore, India leh Mizoram atangin Aizawl leh Lunglei dawr hawn a ni . Nitin zing dar 9:30 atang zan dar 7:30 thleng hawn thin a ni ang.
