Vawiin chawhnu khan Parliamentary Secy. Pu S. Laldingliana’n Mizoram ah a pahnihna a tan Ashok Leyland Workshop leh Servicing centre chu Lunglawn Pu Thakima Workshop-ah a hawng. Pu Dinga chuan thu sawiin Liando Auto Works Aizawl hmalakna in Lunglawn Pu Thakima Workshop-ah Ashok Leyland Workshop leh Servicing centre a lo nei hi a lawmawm hle a ni, a ti. He Workshop hi chhimlam tan hmasawnna rahbi pakhat a ni, a ti. Chhimlam ina kanlo it em em Ashok Leyland Workshop Aizawl lama kal ngailova Lunglei hmun ngei a kan siam thei turin malsawmna a ni, a ti.

Pu Rahim Jyoti Hazarika, Area Manager, North East in SASSY container Workshop (Ashok Leyland) a hawng nghal bawk a, thu sawiin India ramah Ashok Leyland motor te hi nuai 7 vel nitin tlan in mihring nuai 70 vel an phur thin a ni a ti. Indian Army te pawn an hmang nasa hle a ni, a ti.

Inkhawm hi Pu David Malsawmtluanga, Manager, Liando Auto Works Aizawl in a kaihruai a ni.