2005/2025-2026
Aizawl the 4th September, 2025 : Ministry of Consumer Affairs, Food and Public Distribution chuan Public Distribution System hnuaia mipuite hamthatna turin SMART-PDS (Scheme for Modernisation and Reform Through Public Distribution System) a rawn chhawp chhuak a, hei hian a tum chu mipuite'n awlsam zawka Ration Card-a hming thlak, hming paih, insawn, card thlak, card print te leh a dangte a huam a ni.
SMART PDS chhawp chhuah a nih dawn avangin March, 2025 atangin Ration Card khawih theih a nih loh hnu-ah, he application thar hman vat theih a nih theih nan FCS&CA Department, Govt. of Mizoram chuan theitawpin hma a la a, tun dinhmunah heng a hnuaia tarlan te hi mipuite'n mahni bialtu DCSO theuhah ngaihven theih a ni ta:
- Ration Card holder (hming neitu) thlak.
- Ration Card Sawn.
- Ration Card tihtawp.
- Ration Card-a member paih.
- Ration Card Print chhuah.
Amaherawh chu, heng a hnuaia kan tarlante hi SMART-PDS hnuaiah a la tih theih rih lo a, he harsatna chingfel tur hian hma lak zel a niin, tih fel thuai beisei a ni:
- Ration Card thar siam.
- Member thar belh.
