Smoke Free Mizoram Committee (SFMC) chu vawiin khan a Chairman, Health Minister Pu Lalrinliana Sailo Office ah hmalak dan tur hrang hrang thlirin an thukhawm a. Committee Vice Chairman, Parliamentary Secretary Pu S Laldingliana, Member Secretary Pu Van Hela Pachuau te bakah Health Department mi pawimawh leh tlawmngai pawl aiawh te an tel.
Nasa zawk a vaihlo do dan tur leh Mizoram chu meizuk lohna state a siam ngei tura tan lak dan te vawiin Committee ah hian ngaihtuahho a ni a.Meizuk khapna dan "Effective Tobacco Control and Implementation of Cigarrettes and Other Tobacco Product Act, 2003" kenkawh chungchang te, mipui mimir te hnena meizuk thatlohzia puanzar lehzual dan tur te, meizial leh a kaihhnawih thil atanga chhiah tam tawk lak dan tur chungchang leh meizial lam thil tawlhruk chungchang te vawiin thu ngaihtuah zingah hian a tel a. Heng bakah hian a kaihhnawih thil chi hrang hrang chipchiar taka sawihoa ngaihtuah a ni bawk.
