No.4719/2020-2021

Aizawl, the 3rd September 2020 : UNDP leh HSBC India te tangkawp chuan an ruahmanna Producers in Organised Supply Chain Management (PROSPER) hnuaiah Business Enterprise Leadership and Management Programme (BELMP) chu August ni 21 khan an tlangzarh a. PROSPER hi Dasra, leh Industree Foundation bakah IIM Shillong chu academic partner-a hmanga thawhpui tura duan a ni.

BELMP hian India hmarchhak tlangdunga chengte tan puantah, kut themthiamna atanga thil siamchhuah, lo neitu leh kut hnathawka eizawng te tan hlawk zawka thawh dan leh eizawnna tlak ni thei tura chherchhuah hi a tum ber a ni. Social entrepreneur, natural fibres leh a kaihhnawih hmanga mahni kutkawih ngeia eizawng te tan he programme a tel turin dilna a thehluh theih a. Dilna hi bit.ly/3I4UrPo leh IIM Shillong website ah te October ni 2 ral hma ngeia online-a thehluh tur a ni.

He programme a tel tura thlan entreprenuer-te chu thla ruk chhung online-in IIM Shillong-in zirtirna an pek hnuah Certificate an hlan ang a. Thla 6 chhung training neih a nih hnu hian heta zirtirna dawng Social entrepreneur-te chu kumkhat dang ngun takin kawng hrang hrangah UNDP-in an vilin an kaihruai leh dawn a ni.