796/2022-2023

Aizawl, 6th June, 2022 : Social Welfare Minister Dr. K. Beichhua hovin vawiin khan SAD Conference Hall, MINECO ah Mizoram Eklavya Model Residential School Society meeting neih a ni.
Meeting ah hian Society Chairman ni bawk, Dr. K. Beichhua chuan meeting an koh leh chhan te sawifiahin, meeting a telte chungah lawmthu a sawi a, EMRS Society kalphung hrang hrangte a sawifiah nghal.

Social Welfare & Tribal Affairs Department leh EMRS Nodal Officer Pi Zodinpuii chuan EMRS building sak mek te leh an harsatna tawh hrang hrang te powerpoint presentation pe in a tarlang nghal.

Meeting chuan zirtirtu indaih lohna phuhruk nan India rama EMRS zawng zawng enkawltu National Education Society for Tribal Students (NESTS) hnena PGT leh TGT 12 lak an dilna chu phalsak a nih thu tarlangin, Regular Appointment siam theih hma chuan Guest Teacher anga lak a remti nghal bawk.

Mizoram EMRS-a thawktuten an appointment siam chungchanga "Co-Terminus with the scheme" tih tihlan a ni thin paih an dilna chu meeting hmasa in a lo rel tawh angin paih a rem rih lo a ti a, India Independence Day vawi 75 na, Azadi Ka Amrit Mahotsav puala October 22, 2022-a EMRS Lawngtlai hawn tumna chu chak zawka bawhzui a rel nghal bawk.

Meeting ah hian thawktute dilna hrang hrang thlente ngaihtuah a nih bakah Academic Session 2022-2023 a NESTS in India rampum huapa Sports & Cultural Meet a buatsaih tura inpuahchahna atana State Level Sports & Cultural Meet huaihawt rawtna chu Sports Department leh Art & Culture Department te be rawna rel that ni se tih a ni.