1569/2022-2023
Siaha; the 12th August,2022: Vawiin chawhma dar 9:30am khan Dr.K.Beichhua Minister of State I/c Social Welfare, AH& Veterinary etc. Gov't of Mizoram chuan Tipa PHC building sak thar a hawng.

He PHC Building thar hawnna inkhawm hi Dr.Lalnunziri, CMO Siaha chuan kaihhruaiin, Minister Dr.K.Beichhua chuan thu sawina hun a hmang a.
Minister chuan Mizoram in hri leh thil dang dang avanga hun harsa a tawh mek lai a, Tipa bial mipuite tana Damdawiin tha tak hawn theih a a awm chu lawmawm a tih thu sawiin, he building hi Health Minister in hun remchang a neih loh avanga a aia hawng a nih thu a sawi a. Mizoram a Damdawi In hlun ber te zing ami Tipa PHC Damdawiin-ah hian, amah leh tuna CMO bakah Mizoram a Doctor lar tak tak te lo thawhna hmun thin a ni a, khang hunlaia he damdawi In sak thar a tul zia suangtuahna a an lo thlir thin chu, tunah amah ngei hawngtu a atang ta chu lawmawm a tih thu a sawi.

Minister Dr.K.Beichhua chuan Damdawi In hawn thar tak hian mamawh tam tak ala nei tih a hriat thu sawiin, atah tawlin hnathawktute leh hmanraw dang pawh dah tura sorkar a ngen tur thu a sawi bawk. Mipuite pawh nitin kan hun hmana hriselna lam hi ngaipawimawh i la, Damdawi In kan mamawhna phawh hi a tlem a rin thu a sawi bawk. Medical staff te chu damlote tana biak nuam tak ni tur leh Pathian in a dahna hmunah theuh thahnem ngai taka thawk thin turin a chah hlawm bawk.

He inkhawmah hian hunserh hi Upa C.Chawnga'n hmangin,khawtlang aiawhin Pu K.Lalnuntluanga President MTP Sub. Hqrs Tipa in a lawmthu sawina hun a hmang bawk.

He inkhawmah hian Technical report Pi Jenneth, JE, H&FW Deptt in a pe a. Pu Lalhmingliana SDO (C) Tipa pawh in thusawina hun a hmang bawk.

He PHC building hi NEDP (2018-2019) Fund atanga Rs.144.8 lakhs senga Zamzo Construction & Consultancy Services, Aizawl ten an sak a ni a.

Total Floor Area hi 426.09 sqm ( 4585.03 sqft) a ni.
Room awm te chu:

1) Male Award
2) Nursing Room
3) Operation Theater
4) Female Ward, 5) Induction Room
6) Labour Room 7) Casualty
8) X-Ray Room
9) Consultation room
10) Nursing changing room, 11) Loboratory, 12) Pharmacy te a ni.

He PHC building thar hawnna inkhawm hi Tipa PHC a M.O, Dr.LH.Rosanglian chuan lawmthu sawina in a khar ta a ni.

He damdawiin hawnna inkhawm neih chhung hian Aizawl atanga Minister lo tawiawmtu Pu Arun Mishra IAS, Secretary Social Welfare & Tribal Affairs Dept.leh Pi Zodingpuii, IAS, Director, Social Welfare & Tribal Affairs Dept. Gov't of Mizoram ten Eklavya Model Residential School building sak mek chu a hmunah an enfiah nghal bawk a ni.