Nimin 23rd February 2019 khan Social Welfare Minister Dr.K.Bechhhua chuan Thingsulthliah-a ruihhlo ngaite enkawlna hmun PISGAH a tlawh a ni.

PISGAH Reformatory a tlawh na ah hian thu sawiin Social Welfare Minister chuan sawrkarin ruihhlo do kawnga theihtawp a chhuah thu leh hei hi a ngaih pawimawh a nih thu a sawi a, ruihhlo avanga harsatna tawk Mizo thalaite chu sawrkarin kawng dik lo atanga kawng dika hruai  a tum a ni, a ti. Mizoram hmun hrang hrangah ruihhlo avanga harsatna tuar an tam em avang hian ram hruaitute tan chuan awm hle hle a theih tawh loh a ni, a ti a. Kalkhawm mipuite hnenah hian Social Welfare Minister Dr.K Beichhua chuan ruihhlo avanga harsatna thleng hi midang te do atan chauh dah lova, kan zavaia kan do tlan tur a ni, a ti. Minister chuan ruihhlo avanga harsatna kan tawh lohna turin chhungkua atanga bul kan tan theuh a ngai a ti a. Nun dik leh hrisel hi a pawimawh avangin kan zavaia kan neih theih nan sawrkar chuan theihtawp a chhuah mek a ni, a ti bawk.

PISGAH Reformatory,Thingsulthliah hi 24th June, 1999 khan Mizoram Social Defence & Rehabilitation Board (MSD&RB) hnuaia din a ni a, kumin February ni 12-1 Council of Minister thutkhawm chuan PISGAH ti changtlung tur hian thuthlukna alo siam tawh a ni.

AH&Vety Department enkawltu Minister ni bawk Dr.K.Beichhua hian nimin vek khan Thingsulthliah a Piglet Multiplication Farm leh CDPO Office a tlawh nghal a ni.