253/2023-2024

Dated Aizawl the 28th April 2023: Vawiin khan Social Welfare Minister, Er. Lalrinawma chuan Mizoram Upa Pawl General Assembly Vawi 48 na Vanapa Hall, Aizawl a neih chu a hmanpui.

He MUP General Assembly ah hian Khuallian niin, SWD Minister Er. Lalrinawma chuan Upa pawl member nih hi a lawmawm in a ropui a, MUP member te chu nun hriat tam tak lo paltlang tawh, mi hriatthiamna thuk tak nei anni, a ti. MUP chu pawl tamtak zinga a khaitu a ni a ti a, kum chu number chhiarna mai a nih avangin lunglenna a nun uai liam tir mai lova thatho leh beiseina nung nei turin a chah.

Minister chuan MUP member te chu ngaihtuahna hmang thiam tak leh hriatna zau tak an nih avangin tunlai a kan buaina tam tak Zu , AIDS leh hmeichhia te chunga hleilenna hrang hrang chungchang a ngaihtuahna seng a, mahni chhungkua theuh a hma la turin a ngen. Mizo te kan lo len a hma kan sawn zel theih nan inthlahpun kawng ah a naupang zawk te thurawn pe turin rilru kan sen a ngai a ni, a ti.

Old Age Pension chungchang pawh sawiin October 2022 atang March 2023 chu dil mek a ni a, lak thuai theih a nih a beisei thu a sawi.

Report a a lan danin MUP General Headquarters hi Aizawlah a awm a, District Headquarters hmun 8 ah nei bawkin Branch 586-ah members 64100 a nei a ni. Hmalakna pawimawh tak tak kalpui niin member-te tangkai pui theih tur Training-te buatsaih thinin Charity fund Board kaltlangin tanpui ngai te hnenah tanpui na sem thin a ni.

Vawiin a MUP General Assembly vawi 48 na hi Pu Lalhuapzauva, President in kaihruai in Pu Thanglura, General Secretary in an pawl hmalakna hrang hrang report a pe bawk a ni. Hmun hrang hrang atangin members te lo kal khawm in tlai lamah Office Bearers thlanna neih a ni bawk.