713/2023-2024

Aizawl the 7th June, 2023 : Vawiin khan Social Welfare Minister Er. Lalrinawma hoin Social Rehabilitation Board Meeting SAD Conference Hall, MINECO ah neih ani.

Meeting ah hian Er. Lalrinawma Minister chuan members te inpekna chu chhuanawm tiin  tunah kan hmalakna hian a nghawng thu leh kan ram leh khawtlang tan pawh thil tangkai tak anih zel abeisei thu leh hun hlu tak seng a members kal khawm te chungah lawmthu a sawi a ni.

Meetingah hian Jordon Centre tih changtlun zel dan tur leh hma lak zel dantur chungchang sawi ho na neiin Jordon Centre-ah   mipa bik awmna tur khum 100 atanga 200 in kar siam belh turin ruahmanna siam ani a, hemi rual hian he hmun a awm te an thlarau nun thlenga kaihruai tu tur an awm theih nana hma lak turin leh, Jordan centre atanga an chhuah hnuah pawh a an mahni pual a eizawnna kawng zawh theih tura inzirtirna neih dan ruahmanna siam a niin chung atan chuan Skill training nasa taka kalpui tur a ruahman niin heta tan hian After care pawh tih changtlun tur a ruahman a neih a ni bawk a ni.

Jordon Centre, Thingdawl hi Social Welfare Department leh sawrkar flagship SEDP nen tangkawpa enkawl niin tunah thawkthu mi 40 vel awmin Superintendent-in a ho a, an enkawlna hnuaiah hian ruihlo avang leh chhan dang avanga enkawl ngaite hi en kawl thin an ni a, he hmun a awm tur hian dilna siam thin niin he ta awm te hi a thlawn vek a enkawl thin a nih thu leh he hmun a awm te hian an hriselna  endik chungchangah NHM Kolasib a thawkten uluk taka an kalpui thin thu te meeting ah hian tarlan a ni a, he hmun hi Social Welfare Minister Er. Lalrinawma hian 2nd May, 2023 khan Department thawktu te leh  Social Rehabilitation Board members te nen a hmunah kalin an lo zuk tlawh tawh a ni.

Meeting ah hian Pi Donnie Addl. Sect SW&TA, Pi Zodingpuii Director SW&TA, Pi Lalhlupuii Sailo MSD&RB, SW&TA. Pi Zoramthangi Director WCD, Pu Ngurchungnunga Sailo  Commissioner Excise & Narcotics, Mohhan Ali  AIGP(Legal, Mizoram police), Pu Lalnunhlua Director Sports & Youth Services, Dr. Robert L. Khawlhring H&FW Deptt. Pu Zohmingthanga Jt. Director School Education, Pu Laldinpuia Finance Dept. Rev. Lallawmthanga Jt Sect. MKHC, Pu Lalthawmmawia members, Denghmingthanga Members, Lalthankhuma Members te an tel ani.