712/2023-2024

Mamit, 7th June 2023: Vawiin khan Sports Minister Pu Robert Romawia Royte chuan cheng nuai 4400 senna tur Mamit District Sports Complex, Cheng Nuai 3286 senna tur Mamit Residential Sports School, cheng Nuai 1200 senna tur Mamit Mulitipurpose Indoor Stadium senna tur sak mek te chu a hmunah tlawhin a enfiah a. Hei bakah hian Darlaka Football Field tui lian danna siam leh Basketball Court sak mek pawh khawtlang hruaitute nên an en ho a, hmalak zel dan tur pawh an sawi ho nghal a ni.

Kawrthaha Volleyball Court siam mek leh Lighting System te Kawrthah VC leh G&SA te nên an en ho bakah Kawrthah Residential School Building hrang hrang te leh a ken tel Sports Infrastructure te an en ho bawk.

Sports Minister hi Rengdil khawtlang hruaitute leh G&SA hruaitute nen inkawmin Rengdila Basketball Court leh Volleyball Court  te chu a hranga sa loa Semi Indoor Stadium-a Integrated Centre anga sak an duh thu an lo thlen pawh tihpuitlin tum a nih thu a hrilh a ni.

Tourism Minister Pu Robert Romawia Royte hian Zamuanga Kuhva ro tawlh rûk check-na tura Hachhek Kuhva chingtu ten Check Gate an siama Police Duty te pawh tlawhin dan phal loh thil tawlh ruk te theihtawp chhuaha lo veng tur leh lo man zêl tûrin a fuih a, anmahni tihphur nan an thingpui inna tur pawisa fai a pe bawk.