757/2023-2024

Aizawl, the 10th June 2023 : Nimin 9th June, 2023 (Zirtawpni) khan Er. Lalrinawma Social Welfare & Tribal Affairs Minister leh official te, Tribal Research Institute Kelsih hmunah Green Mizoram Day 2023 pualin thing phunna hun neih a ni.

Minister Er. Lalrinawma chuan khawvel changkang zelin ramngaw leh nungchate a ti rem zel a, kan tui hna a kang zel avanga tui kan nei tlem tulh tulh chu pawi tiin nitin kan mamawh tawp theih loh boruak thianghlim min pe thintu thing leh mau phun belha humhalh hi mitinte tih tur a ni, a ti. Hmasawn kan duh avanga ramngaw tih chereu ngai awm thin mahse hemi aiawh turin tuna kan ngaw neihsa humhalh thiama thing dang phun belh hi nitin kan tih makmawh a ni. Tuna kan ramngaw, thing leh Maute humhalh nachang kan hriat loh chuan kan tu leh fate tan chenna tlak loha siamtu kan ni thei a, kan ram rohlu enkawl zui zel hna hi mitin mawhphurna a ngaih theuh turin mi zawng zawng a sawm a ni. Minister Er. Rinawma chuan  thingphun enkawl zui leh humhalh kawngah theihtawp chhuah zui zel a pawimawh thu tarlangin chu chu kan ram tan hna tangkai taka kan thawhna a ni hre thar zel turin a ngen nghal bawk a ni.

Green Mizoram Day 2023  puala thingphunah hian Social Welfare & Tribal Affairs Addl. Secretaty Pi Donnie, Dy. Secretary Pu Zothanmawia, Director Pi Zodingpuii leh offcial thahnem takin TRI Kelsih ramah hian thing an phun a ni.